Visit Nordfjord formidlar informasjon om produktet ditt, men er ikkje tilbydar. Skriv teksten deretter – t.d. «På hotellet må du ikkje gå glipp av den gode maten» i staden for «Vi serverer fantastisk mat».
Ein god produkttekst:
Nemner stad og region eksplisitt – t.d. «kajakktur i Nordfjord» eller «klatring ved Jostedalsbreen»
Svarar på det reisande faktisk spør om – kva kan eg gjere her, for kven passar dette, kva får eg oppleve?
Brukar konkrete beskrivelsar i staden for vage ord – ikkje «fantastisk utsikt», men «utsikt over Hornelen»
Praktisk:
Ver nøktern – ikkje bruk for store ord.
Skriv på nynorsk.
Teksten må vere på både norsk og engelsk. Bruk KI-knappen ved tekstfelta om du vil ha hjelp med omsetjing til engelsk.
Sel du fleire aktivitetar eller har både overnatting og aktivitet – fyll ut eitt skjema per produkt. Det er vanskeleg for kunden å finne fram til den guida sykkelturen om han er nemnt i hotellpresentasjonen. Du får òg meir synlegheit på nettsidene.
Tips: Du kan lukke sida og kome tilbake seinare – så lenge du brukar same maskin og nettlesar. Vi tilrår likevel å fullføre skjemaet når du fyrst er i gang.